SaLoobin: Mga Akda ng/para sa Kababaihang Bilanggong Pulitikal

Nagpapasalamat po ako sa mga sumusuporta sa amin hanggang sa ngayon. Nagpapatatag sa akin ang pagsuporta ng mga tao. Sa mga kasama, nagpupugay ako sa inyo dahil sa ganitong kinahaharap natin ngayon, patuloy pa rin ang suporta ninyo sa akin. Sa pamilya ko rin po, sana ay magtuloy-tuloy pa rin po ang pagkakaisa natin.

Iyong nangyari po kasi, siyempre, nakita ko rin po iyong pamilya ko noon. Na-trauma rin po kasi si Mama, pati iyong kapatid ko rin po, sa nangyari. Saka hindi matatawaran iyong galit na nararamdaman ko dahil sa anak ko. Noong pinaharurot nila ang karo ng anak ko. Hindi naman mapatutunayan kasi hindi naman totoo iyong ginawa sa amin. Isang tanim lang iyon, trumped-up cases lang ang ginawa sa amin. Hindi mapatutunayan ng korte dahil walang katotohanan iyon.

Hindi totoo iyon.

– Reina Mae Nasino